上文提到最近再遇上Provonias的一件婚紗, 內心的掙扎隨之而來, 已放下了的想法又再浮現, 加上知道有機會用比原價平的價錢把它買下來就更加心動了
一邊跟自己說婚禮是一生中的大事, 當然要穿上自己覺得最完美的婚紗, 又不是負擔不起, 我自己可以把它買下來, 婚後也可把它再賣出去
但理性的一方又說用過萬元買一件只穿一次的婚紗未免太奢侈了, 即使之後想把它再賣出去, 又有這麼容易嗎? 不賣的話, 又要騰出空間來安置它, 而且做事三分鐘熱度的我, 對它的"寵愛"很快便會消失..而且我之前已付了訂金租另一件, 買了這件後, 那件又點算呢?
今天早上, 我還在掙扎中, 把它的照片看了又看, 對它的lace又愛又恨, 我和R Zo幾天來都不停在討論這個話題, 他不明白我為什麼喜歡這件婚紗, 租了那件比Provonias更好, 他覺得Provonias的lace太多了, 越多lace出來的效果不一定會越好, 我說我真的很喜歡這件婚紗, 我要把它買下來, 又或者訂造一件類似的, 都只是數千元, R Zo說絕對不值得用過萬元買這件婚紗, 應把這些錢花在更有意義的事情上, 即使是訂造, 所花的時間和車程都一定不少
這時我的腦裡想著:我一定要得到它, 租了的那件是好, 但Provonias更好呀...這個想法一直纏繞著我...直至今天下午上堂做瑜珈時, 在輕鬆柔和的音樂下, 整個人都平靜下來, 回想著整件情, 突然叮一聲, 再想起R Zo的一句說話: 找到生命最重要的人, 還有什麼比這更重要?
想起來, 我都不明白為什麼自己會變得這麼不理智, 最初我也和R Zo說不要去那些只賣不租的婚紗店了, 萬一看中了怎麼辦, 我又不會買...真的, 婚禮中最重要的是我們兩個, 禮服是重要, 但不是最重要, 之前我是本末倒置了, 婚禮不是fashion show, 雖然是整天穿著禮服, 禮服不是婚禮的全部, 婚禮是見證我們兩人正式踏入人生另一個階段, 接受家人朋友的祝賀, 即使沒有名店的婚紗, 他們對我們的祝福都不會變的, 他們不是來看我們穿怎樣華麗的禮服, 而是來祝賀我們, 和我們分享這種喜悅
況且, 其實我已找到和Provonias那件非常貼近的婚紗, 價錢還相當合理, R Zo亦已送了lace 頭紗給我作留念, 這樣已非常幸運了, 而且現在選的那件都得到家人朋友的一致讚賞...我不想一意孤行的把Provonias那件買下來, 想到婚後去旅行, 安置家居, 生活開支都要用錢, 應該把錢花在這些方面
作為完美主義者的我, 總要接受現實不完美的一面, 沒有100分, 有98分已算好好啦
終於想通了...整個人都輕鬆了
恭喜你~~~~我完全明白你LAW LAW攣的感覺~~~~ 因為我都有~而家你一天都光哂啦~ 我睇過lou lou的婚紗其實都好靚, 有一件我都好喜歡, 不過唔夠高著, 佢又改唔到長度~ 所以我有信心, 你嗰件都會好靚~ 我其實睇過唔係好多間婚紗舖, 因為之前太忙, 而家個心仲係有啲十五十六, 但我月尾會再上LM睇~ 應該會定到大局啦~
回覆刪除[版主回覆05/09/2010 10:16:00]哈哈, 唔知係咪好多女仔都係咁既呢? lou lou件婚紗我都要著4吋鞋先著到, 哈哈
你之前係LM睇中個件都好靚呀!!!
其實我相信你一定會知道要如何做
回覆刪除個個女人都想要一個最完美的婚禮(我有點另類)
不過我看都在眼內 你們2人都是盡心去為對方去做
婚紗的確係一個學問 買了回來收藏不困難 最大問題是保養
因為時間太會破壊東西 如果沒懂去保養 那將來你會更不開心哦
所以 世界最大發明就有相機 和 回億 有些事東西晝面
在心中才歷久彌新 加油哦 你一定搵到 THE ONE 因為你選了現在的老公
就証明你眼光和頭腦都勁 HEHE 開心D啦 做個開心新娘
我睇返你以前既post, 發覺你在lou揀的那條真私相當不錯呢,
回覆刪除讓我都係到同你分享下:我在之前揀wg eg既時間,都曾經lost過la, 成日覺得自己已揀的那條不夠我而家又看到的那條好.....我在facebook中說, 真係唔識揀, 點解次次揀完都會後恢ga???
有人那時這樣答我:永遠都會有更好的一條在眼前, 但看著自己所選擇的, 回想起當初揀的片段, 那份甜蜜的喜悅, 就不是已經足夠了嗎?
那時我想通了,
共勉之la~~^_^~
[版主回覆05/11/2010 23:24:00]Thanks leh! 女仔梗會有些三心兩意既, 一時迷失左, 但之後唸通左就繼續開開心心咁籌備婚禮啦
你既經驗俾我好大提醒，有時好執著一件事(無論婚禮既事或工作時)，但退一步，又使咩咁堅持??我要好好記住呢個故事~
回覆刪除[版主回覆05/13/2010 09:23:00]是呀, 靚野永遠買唔晒, 婚禮係重要, 但都唔代表要豪花, 最緊要係自己, 另一半同家人/朋友好好享受依件事
婚禮中最重要的是我們兩個--------->全中呀
回覆刪除好多結婚當日既detail野我已經唔記得, 但我晚晚返屋企見到另一伴已經好滿足
[版主回覆05/22/2010 00:08:00]對物質既追求過左龍, 人先係最重要MA ^^
我想.... 我也應該"叮一叮".................
回覆刪除愈想去令件事perfect, 就好像愈令自己唔開心咁.........
[版主回覆07/28/2010 22:44:00]其實想搞一個perfect既婚禮好正常架, 尤其是對我依個完美主義既人黎講更加係
不過都要叫自己理性d, 其實在有限既budget內做到最好既野已經好好啦, 結婚唔係講緊果一日, 其實個個都話果一日好快過, 之後好似失憶咁, 記唔番做過咩, 所以與其使晒d錢係果一日, 不如留番黎用作將來的開支仲好啦, 始終多頭家都會多好多使費
大家一齊加油啦 ^^
"每一次睇到佢個blog上左新相都會好想成為相中既主角" ---> I think exactly the same!!!!
回覆刪除So, how do you handle those sales people, especially we they act pushy?
[版主回覆08/01/2010 22:20:00]Um...actually I don't have any special tips coz I haven't met really pushy sales..
If you're afraid that "your ears are too soft", you can consider bringing some friends with good fashion sense/ good understanding of you or even your mother (that's what I've done) to accompany you coz if they can give the most real advice on whether or not the gown suits you or not.
Also remind yourself not to confirm any package if you have one minute of hestitation whether this is the One..the rule is don't let yourself regret...coz I've heard of many examples of being impulsive to join package in one shop and later find The One in another shop